For skule og barn

Gjøsund hamn skal bli ein superhelt for fiskarane og havet vårt.

Fiskarane treng ei hamn der båtane ligg trygt og fisken blir seld vidare til mat og produkt. Havet treng at vi brukar ressursane våre effektivt, og tenkjer på miljø i alt vi gjer. Gjøsund hamn skal bli superhelten for både havet og fiskarane.

Ein samlingsplass for båtar og fiskarar

Gjøsund hamn skal vere staden der alle som driv med hav og fisk i Giske kan møtast. Når mange båtar og jobbar er på same staden, så blir det kjekkare og enklare å jobbe med fisk og hav i Giske.

Mat til heile verda

Verda treng meir sunn mat. I havet finst mykje som vi kan ete, og vi må bruke det som finst der på ein smart og miljøvenleg måte. Frå Gjøsund hamn kan sunn sjømat frå Noreg hamne på tallerkenen heime hos deg – eller hos nokon ein heilt annan stad i verda. Kanskje i Frankrike?

Miljøvenleg transport

Når mykje fisk og andre varer skal fraktast rundt i verda så brukar vi i dag mange lastebilar. Dei tek mykjeplass, og er ikkje alltid så miljøvenlege. På Gjøsund hamn skal vi få mindre påvegen, og meir på båtar. Båtane skal også kunne bruke meir miljøvenleg drivstoff.
Alt på éin stad

Når mange fiskarar, bedrifter og fabrikkar er på ein stad, så sparer vi tid, pengar og klimautslepp på å få gjort meir på ein gong.

Framtidas hamn

Vi jobbar hardt for å lage ei smart og miljøvenleg hamn. Målet vårt er at andre hamner skal sjå til Giske for å skape hamner som er betre for både fiskarane – og havet.

Samarbeid er nøkkelen

Akkurat som når du jobbar saman med venene dine på skulen, så smarbeider vi med forskarar, bedrifter og alle rundt oss for å få til ei betre hamn.

Nye jobbar til nye naboar

Gjøsund hamn er staden er vi tek vare på havet, skaper nye jobbar i dag – og i framtida. Og hjelper til med å gi mat til folk i heile verda. Målet er fleire jobbar her på Giske, slik at fleire kan bu her.