Fiskerinæringa treng ei effektiv hamn

Møre og Romsdal er det fylket i Noreg med størst årleg verdiskaping i fiskeri- og sjømatnæringane, inkludert utstyrsproduksjon, fartøytenester og fiskeri. Ålesundsregionen har størst total verdiskaping. Giske er ein av dei største fiskerikommunane i landet, men manglar ei moderne hamn.
 
Gjøsund hamn er i ferd med å bli ei hamn tilpassa det fiskeri - og sjømatnæringa treng i framtida. Denne satsinga kjem også andre næringsaktørar til gode.
 
Målet er ei hamn som er tilpassa både fiskeri- og akvakulturnæringane, med lossing og lasting av fisk (både frossen, fersk og bearbeidd råvare) og ensilasje.