Kvart år blir store mengder restråstoff frå fiskeri kasta i havet, sjølv om dette er ressursar som kan utnyttast betre. Fiskeflåten ønskjer ein landingsplass for biprodukta frå fiskeri og havbruk, og ein forretningsmodell som gjer det lønsamt å ta dei til land.

Gjennom prosjektet «Nasjonal hub for landing og foredling av marine restressursar» skal vi:

• Kartleggje eksisterande og nye verdikjeder for restråstoff
• Identifisere synergiar og gap i næringa
• Utvikle forretningsmodellar som sikrar lønsemd
• Bidra til auka lokal verdiskaping

Prosjektet skal styrke arbeidet med å etablere ein industriell symbiose der biprodukt frå fiskeri blir råstoff i nye næringar.

Samarbeid på tvers av næringar

Prosjektet er eit samarbeid mellom næringslivet, forskinga og forvaltninga og inkluderer Møreforsking, Giske kommune/Gjøsund Utvikling, Nordnes, Giske Havfiske, NUAS, Innolipid, C Food Norway, Pretio og NCE Blue Legasea/ÅKP.

Partnarane representerer verdikjeda frå fangst til ferdig produkt. og bidreg med forskjellig kompetanse og innsikt.

Forprosjekt med store ambisjonar

Prosjektet byrja i februar 2025 og går fram til utgangen av året. I denne perioden skal vi analysere data og kartleggje materialstraumar, som blir visualisert i eit nettverkskart.

Prosjektet er finansiert av Skaparkraft, som er ei støtteordning frå Møre og Romsdal fylkeskommune.

‍