«Vi gjer dette for at Gjøsund hamn kan utviklast etter våre eigne premiss, og bli hamna der fiskeriklynga, framtida og verda knytast smartare i hop. Denne hamna vil utfylle interessene, formålet, løysingane og kvalitetane hamna i Ålesund tilbyr,» seier ordførar Kenneth Langvatn i Giske kommune.

Strategisk utvikling av Gjøsund hamn
‍

Med eigardel på 5 prosent i ÅRH IKS er Giske kommune sine høve til eigarstyring avgrensa. Å etablere eit eige hamnevesen i ei ny form gir Giske kommune naudsynt kontroll over utviklinga av hamne- og næringsområdet i Gjøsund. Det er heilt sentralt i Strategisk næringsplan for Giske kommune.

Målet er at Gjøsund hamn skal bli ei fiskerihamn som tilbyr tenester, vedlikehald og verdiskaping for og med fiskerinæringane i kommunen, og legg til rette for anna maritim verksemd.

‍

Framleis tett samarbeid i regionen

‍
«Eg vil rose ordførarkollegiet i Ålesund, Sula og Haram for god dialog om samarbeidet oss i mellom. Våre kommunar samarbeider om veldig mange tenester som gagnar alle oss som bur her. Interkommunalt samarbeid er viktig for regionen,» poengterer ordføraren.

Prosessen med etablering av eige hamnevesen held fram i 2025. Val av selskapsform og vidare organisering blir lagt fram for kommunestyret i eiga sak.

‍